Freedom Fitness









Հասցե՝ ք. Երեվան Մանանդյան փողոց 29/78
Հեռախոս՝ +374 55 46 01 04 
                  +374 77 50 50 68

Քնարիկ Ալբերտի Վարդանյան
Աշխատանքային ժամերը՝ երկուշաբթի- շաբաթ ՝08.30-14.00
Էլ. փոստ՝ qnarvardanyan@mail.ru

«Երջանիկ ընտանիք» նախագծի «Happy Family Discount card»-ի քարտապանները կարող են օգտվել տվյալ ընկերությունից
2 % ԲՈՆՈՒՍՈՎ:

 


Աշխատանքի հիմքում ընկած է առողջության պահպանման նպատակը: Կենտրոնում
աշխատում են սննդի խորհրդատուներ, հոգատար և փորձառու մարզիչներ
Ֆիթնես ակումբում կատարվում է մարմնի թեստավորում անալիզատորի միջոցով,որը
ցույց է տալիս
• քաշը
• մկանային զանգվածը
•  օրգանիզմում պարունակվող ջրի քանակը
•  ներքին և արտաքին ճարպերի տոկոսային պարունակությունը
նյութափոխանակությունը,
•  ոսկրային զանգվածը
•  ֆիզիկական տիպը
•  կենսաբանական տարիքը:

 Պարապմունքների ընթացքում պարբերաբար հսկվում է հաճախորդների ֆիզիկական
վիճակը, տարվում է սննդակարգի վերահսկում փորձառու սննդաբանների կողմից:

Սկսենք օրը հաշվեկշռված նախաճաշից

   Առողջ ապրելակերպ ակումբը նախագիծ է հաճախորդների և բոլոր նրանց համար, ովքեր ձգտում են ճիշտ սնվել լավ ինքնազգացողություն ունենալու, քաշը կարգավորելու և վերահսկելու համար:
Մենք առաջարկում ենք Ձեզ անցնել Wellness Թեստը և իմանալ Ձեր արդյունքները
•    քաշ
    մկանային զանգված
     օրգանիզմում  պարունակվող ջրի քանակը
    ճարպի տոկոսային պարունակությունն օրգանիզմում
    ներքին ճարպ
    նյութափոխանակություն,
     ոսկրային  զանգված
    ֆիզիկական տիպ
    կենսաբանական տարիք:
 
Ինչու է կարևոր իմանալ սեփական օրգանիզմի հիմնական ցուցանիշները

Քաշը, արտաքին տեսքը և ինքնազգացողությունն օրգանիզմի ներքին վիճակի արտացոլումն են:
Այսօր մեր հասարակությունը գտնվում է ավելի վատ վիճակում, քան երբևէ եղել է: Անկանոն սնունդը, սթրեսը, շրջակա միջավայրի աղտոտվածությունը և այլ գործոններն ավելացնում ենտարբեր հիվանդությունների, ճարպակալման, վաղաժամ ծերացման ռիսկերը:

Ինչպես է ապրում ժամանակակից մարդը

1.    Սխալ սնունդ
2.    Նստակյաց կյանք
3.    Շրջակա միջավայրի աղտոտվածություն
4.    Սթրեսներ, հանգստի պակաս
5.    Վնասակար սովորություններ


    Առողջ ապրելակերպ ակումբում պարբերաբար հսկվու է հաճախորդների ֆիզիկական վիճակը, տարվում է սննդակարգի վերահսկում փորձառու սննդաբանների կողմից:

Մեր կենտրոնում պարբերաբար կազմակերպվում են միջոցառումներ պարգևատրվում  հաճելի նվերներով:

Եթե հաճախորդը իր հետ բերում է 1 /մեկ / ամսում  երկու նոր հաճաղորդ, ապա ստանում է անակընկալ նվեր:
Եթե հաճախորդը  մեկ ամսում բերում է  5 /հինգ/ նոր հաճախորդ, ապա 1 /մեկ/ ամիս անվճար օգտվում է սննդից և մնացած բոլոր ծառայություններից:



Առավոտյան նախաճաշը սկսում ենք առողջ սնունդով

Օգնում է արդյունավետ վերահսկել քաշը
-    Ցածր կալորիականություն ունի
-    Ապահովում է հագեցածության զգացողությունը մի քանի  ժամվա ընթացքում
-    Ապահովում է էներգիա
-    Լրացնում միկրո և մակրո սննդանյութերի պաշարը
-    Սննդանյութերը հաշվեկշռված են


Aloe Vera օգնում է մարսողական համակարգի բնականոն աշխատանքը





Ինչպես կարող ենք նիհարել


Ոչ բավարար եք ուտում
Մի հետաձգեք սննդի ընդունումը, սա ոչ միայն կխախտի առողջ նյութափոխանակությունը, այլ նաև ուժեղ սովի պատճառով ընթրիքին կուտեք ավելի շատ, քան անհրժեշտ է: Այս ազդեցությունը նկատվում է ոչ միայն սնվելը հետաձգելու, այլ նաև չափաբաժինները շատ կրճատելու դեպքում:

Չեք հանգստանում
Ապացուցված է, որ սթրեսը ստիպում է ձեզ ուտել շատ, հատկապես քաղցր ու յուղոտ սնունդ: Փորձեք ժամանակ գտնել հանգստանալու համար:
Կարող եք հանգիստը ակտիվ դարձնելով, նույնիսկ, հավելյալ կալորիաներ ծախսել:

Չափազանց շատ եք օգտագործում ցածր կալորիականության սնունդ
Ցածր կալորիական սննդի օգտակարության մասին տպավորությունը խաբուսիկ է, քանի որ հաճախ այն պարունակում է հավելյալ քանակի աղ, շաքարավազ և այլ հավելումներ, որոնք փոխարինում են սովորական բաղադրամասերին: Արդյունքում կարող եք այսպիսի սնունդ օգտագործելով, իրականում, ավելի շատ կալորիաներ ընդունել, քան սովորական սնունդ ընդունելիս:

Չունեք սննդային օրագիր
Կալորիաները վերահսկելու համար հարկավոր է գրել, թե ինչ և ինչքան եք ուտում: Սա բավական արդյունավետ տարբերակ է նիհարելու ճանապարհին:

Հաճախ եք ճաշում սրճարաններում
Սրճարաններում սնվելիս ավելի շատ կալորիաներ ենք ընդունում, քան անհրաժեշտ է, քանի որ ընտրում ենք տապակած ուտելիք, զանազան թոփինգներ ու աղանդեր: Ինչպես նաև, դժվար է հաշվել այս վայրերում առաջարկվող սննդի կալորիականությունը: Այսպիսով, եթե ամեն դեպքում սրճարանում եք սնվելու, ձեր բաժինը կիսեք ընկերների հետ, պատվիրեք միայն առողջ սնունդ, խմեք միայն ջուր:

Ինքներդ Ձեր հանդեպ ներողամիտ չեք
Սննդակարգի հետևելիս մի փոքր կտոր շոկոլադե տորթը կամ ֆրին չեն վնասի: Գիտնականները պնդում են , որ կարիք չկա, սննդակարգը խախտելու հաջորդ օրը մարզասրահում ավելի մեծ ծանրաբեռնվածությամբ մարզվել: 600 կալորիայով սննդակարգի նորման խախտելն իրականում ձեր գոտկատեղի շրջագծի վրա չի ազդի, իհարկե, եթե պարբերաբար առողջ սնունդ եք օգտագործում:



Մարզանքից հետո սխալ եք սնվում

Եթե մարզանքից հետո դեռ սննդի ընդունման ձեր ժամը չէ, ապա կարող եք ուտել ընդամենը 150 կկալ պարունակող ինչ-որ
բան: Հիշեք, որ նույնիսկ չրերի ու ընդեղենի առողջ խառնուրդը շատ կալորիաներ է պարունակում, հետևաբար նախապես
առանձնացրեք ձեզ համար բավարար քանակը այլ ոչ առանց ընկալելու կուլ տվեք ընկույզ ընկույզի հետևից:

Առողջ ապրելակերպը և սրտանոթային հիվանդությունների զարգացման ռիսկը խիստ
փոխկապակցված են


Չնայած ԱՄՆ-ում ՍԻՀ (Սրտի իշեմիկ հիվանդության) մահացության աստիճանաբար նվազմանը, վերջին 40 տարիների ընթացքում, 35-54 տարիքային խմբում այսպիսի միտում չի նկատվել, և ինչն առավել անհանգստացնող է, 1997-2002 թթ 35-44
տարիքային խմբում մահացությունը նույնիսկ աճել է: Սա կարող է բացատրվել ճարպակալման և շաքարային դիաբետի տարածվածության աճով, ինչը գերակշռում է ծխելու, զարկերակային հիպերտոնիայի և հիպերլիպիդեմիայի հանդեպ պայքարում տարած հաղթանակներին: Միևնույն ժամանակ Nurses' Health Study II հետազոտության արդյունքների բազայի վերլուծությունը ցույց տվեց, որ վեց դրական վարքային գործոնները կարող են կանխարգելել ՍԻՀ (Սրտի իշեմիկ հիվանդության) դեպքերի 73%-ը 20տ-ից բարձր տարիքի կանանց մոտ, ինչպես նաև շաքարային դիաբետի, արտերիալ հիպերտոնիայի, հիպերլիպիդեմիա դեպքերի 46%:

Օպտիմալ վարքային մոդելը ներառում է

1. Չծխելը
2. ՄԶՑ (մարմնի զանգվածի ցուցանիշ) պահպանումը ցածր մակարդակի
3. Ֆիզիկական ակտիվությունը` շաբաթական 2.5 ժամից ոչ պակաս
4. Հեռուստացույցի դիտումը` շաբաթական 7 ժամից ոչ ավել
5. Առողջ սննդակարգ ինչպես նաև ալկոհոլի օգտագործումը օրական մեկ չափաբաժնից ոչ ավել. ՍԻՀ ռիսկի և ալկոհոլի ընդունման միջև ասոցիացիան ունի J-աձև կորի տեսք:

Հետազոտությունն անցկացվել է 88.940 կնոջ շրջանում, որոնք հետազոտության սկզբում` 1991թ. 27-44 տարեկան էին և չունեին սիրտ-անոթային հիվանդություններ կամ շաքարային դիաբետ: 67.347 կին չուներ նաև արտերիալ հիպերտոնիա և հիպերխոլեսթերինեմիա: Կենսակերպը գնահատվում էր հարցաթերթիկների միջոցով:
Հետազոտության 20 տարիների ընթացքում 456 կնոջ մոտ զարգացավ սրտամկանի ինֆարկտ, 2794-ի մոտ` շաքարային դիաբետ, ևս 16.978 կնոջ մոտ հայտնվեց արտերիալ հիպերտոնիա, իսկ 23.971 –ի` հիպերխոլեսթերինեմիա: Միջինում, սիրտ-
անոթային հիվանդությունների զարգացման ռիսկի գործոնների հայտնաբերման միջին տարիքը կազմում էր 46.8 տարի, իսկ ՍԻՀ ախտորոշման միջին տարիքը` 50.3: Հաշվարկների արդյունքում պարզվեց, որ եթե այս պոպուլյացիայի կանայք հետևեն
առողջ ապրելակերպի բոլոր 6 գործոնների կատարմանը, հնարավոր կլիներ խուսափել շաքարային դիաբետի 92.9%, զարկերակային հիպերտոնիայի` 57.0% և հիպերխոլեսթերինեմիայի 40% դեպքերից: Նույնիսկ մեկ սրտանոթային ռիսկի
գործոն ունեցող կանայք ընդամենը 4 օգտակար սովորություն ունենալու դեպքում ունեին ՍԻՀ ավելի ցածր ռիսկ կանանց համեմատությամբ, ովքեր այդպիսի սովորություններ բացարձակ չունեին:

Չնայած վերը նշված վարքային գործոններին, վաղուց հայտնի էին և համարվում էին թիրախ սիրտ-անոթային հիվանդությունների վտանգի նվազեցման համար ինչպես անհատական, այնպես էլ պոպուլյացիոն մակարդակով. հետազոտության հեղինակները նշում են, որ իրենց ստացած արդյունքները ևս մեկ անգամ ընդգծում են առողջ ապրելակերպի կարևորությունը երիտասարդ կանանց համար: Քիչ կարևոր չէ, որ առողջ կենսակերպը նվազեցնում էր սրտի պաթոլոգիայի զարգացման հավանականությունը այն կանանց մոտ, որոնց մոտ արդեն ի հայտ էին եկել սիրտանոթային հիվանդությունների ռիսկի գործոններ (շաքարային դիաբետ, զարկերակային հիպերտոնիա, հիպերլիպիդեմիա):


Սնունդ

Սնունդը
Առողջ ապրելակերպը սկսվում է ճիշտ սնվելուց։ Սնունդն անհրաժեշտ է մարմնի աճի, զարգացման և վերականգնման համար։ Դրա համար այն պիտի լինի լիարժեք և առողջարար։ Մեծ նշանակություն ունի սննդամթերքի ճիշտ ընտրությունը, ընդունման ձևը և սննդակարգի պահպանումը։ Մեզանից շատերը, նույնիսկ գիտենալով այս կարևոր դրույթները, չեն պահպանում դրանք՝ լուրջ վնաս հասցնելով իրենց առողջությանը։

Աղյուսակ 1. Սննդանյութերի պարունակությունը մթերքում


Լիարժեք սնունդը պիտի պարունակի բավարար չափով սպիտակուցներ, ածխաջրեր, ճարպեր, վիտամիններ, հանքային աղեր, բջջանյութ և հեղուկներ։ Դրա համար օրվա սննդակարգում անպայման պետք է լինեն սննդանյութերի այս բոլոր խմբերը պարունակող մթերքր։ Դրանք ներկայացված են աղյուսակում։ Սնունդը պիտի բազմազան լինի նաև թե՛ օրվա, թե' շաբաթվա սննդակարգն ընտրելիս։ Ամենևին էլ կարիք չկա, որ դուք մեծ դժվարություններով փոխեք ձեր սնվելու սովորությունները։ Նախ և առաջ սննդամթերք գնելիս հետևեք ստորև բերված խորհուրդներին։ Աշխատեք ընտրել այն սննդամթերքները, որոնք քիչ քանակությամբ են պարունակում աղ, կենդանական ճարպեր և խոլեսթերին։ Աղի քանակը նվազեցնելու համար սեղանից ուղղակի հեռացրեք աղամանը։ Այդ նյութերի քանակը նվազեցնելով սննդի մեջ՝ դուք փաստորեն կանխարգելում եք որոշ հիվանդությունների զարգացումը։ Միևնույն ժամանակ սննդում օգտագործեք ավելի շատ բջջանյութ՝ ուտելով ավելի շատ միրգ, բանջարեղեն։ Ընդ որում միրգն ու բանջարեղենը խորհուրդ է տրվում ուտել ճաշից 20-30 րոպե առաջ, ոչ թե հետո։ Առողջության համար կարևոր է նաև օգտագործվող հեղուկի քանակը։ Օրվա ընթացքում ընդունած հեղուկի քանակը պետք է կազմի առնվազն 2 լ (8 բաժակ)։ Կարևոր է նաև այն, թե ինչպես եք դուք ընդունում սնունդը։ Ուտելիքը պիտի լինի պատշաճ մշակված։ Ուտելիս մի՛ զբաղվեք այլ գործերով, լավ ծամեք։ Պահպանեք օրվա ճիշտ սննդակարգ։ Չափահաս մարդը պիտի սնվի օրը 4 անգամ, միշտ նույն ժամերին։ Նախաճաշը պիտի կազմի օրվա ընդհանուր սննդաբաժնի 30%-ը, երկրորդ նախաճաշը՝ 20%-ը, ճաշը՝ 35%-ը, ընթրիքը՝ 15%-ը։ Ընդհանրապես, ընդունած սննդի քանակը պետք է համապատասխանի օրվա ընթացքում ծախսած էներգիայի քանակին։ Բացի վերն ասվածից, գոյություն ունեն նաև տարբեր հիվանդությունների ժամանակ կիրառվող հատուկ դիետաներ։ Եթե դուք տառապում եք որևէ հիվանդությամբ, անպայման խորհրդակցեք բժշկի հետ սննդակարգի մասին և կատարեք նրա խորհուրդները։



Ամենաառողջարար Բանջարեղենները Ֆիտնեսի Սիրահարների Համար
Կա համեղ բանջարեղենների մի հիանալի եռյակ, որը  պետք է ներառեք ձեր սննդակարգի մեջ, եթե ակտիվ մարզվում  եք: Դրանք ամենա առողջարար բանջարեղեններից են, ամենասննդարարն են և անվերապահորեն պատկանում են ձեր  մթերաբաժնին:

Առողջարար բանջարեղեններ
Երբ հերթը հասնում է  ակտիվորեն սպորտով  զբաղվելուն և միևնույն ժամանակ բալանսավորված սնվելուն, կան որոշ մթերքներ, որոնք ֆիտնեսի սիրահարները միանշանակ պետք է ուտեն:

Մարզանքն  ու ֆիտնեսն  արդյունավետ են միայն, երբ զուգակցվում են բալանսավորված սննդակարգի հետ: Օգտագործելով ամենաառողջարար բանջարեղեններն ու մյուս մթերքները, դուք կկրկնապատկեք սպորտի դրական ազդեցությունը ձեր մարմնի վրա, կմնաք ավելի էներգետիկ, երիտասարդ տեսք կունենաք և  այդպիսով երջանիկ կլինեք:

Եկեք խոսենք այն երեք ամենաառողջարար բանջարեղենների մասին, որոնքկարող են գեղեցկացնել ձեր սեղանը:

•    Սոխ – գուցե այն հոտավետ է, սակայն շատ առողջարար է: Այն պարունակում է C վիտամինի առատ քանակություն (ավելի շատ, քան նարինջը), պեպտիդներ, որոնք օգնում են օրգանիզմին պահպանել կալցիումն ու իմունիտետի համար անհրաժեշտ տարբեր հակաօքսիդիչներ:
•    Ընդեղեն – խիստ բուսակերներն ու պարզապես բուսակերները կարող են անցնել լոբազգիներին, ոսպին և սիսեռին հավելյալ սպիտակուցների համար, մինչ դեռ մյուսները կգնահատեն դրանց մեջ մանրաթելերի և հակաօքսիդիչների մեծ քանակությունը, որոնք հանդիսանում են հակաքաղցկեղային և հակատարիքային բաղադրիչներ:
•    Քաղցր կարտոֆիլ – ի տարբերություն սովորական կարտոֆիլի, սրանք հարուստ են երկաթով և վիտամիններով, ինչը հատկապես կարևոր է սպորտով զբաղվող կանանց համար: Քանի որ կանանց օրական գրեթե երկու անգամ ավելի շատ երկաթ է հարկավոր, քան տղամարդկանց, այս բանջարեղենը  ցանկալի հավելում կլինի նրանց սննդակարգին: Տղամարդկանց քաղցր կարտոֆիլը կառաջարկի էներգիա և նորից շատ վիտամիններ:

Քչերը գիտեն, որ շատ ամրակազմ մարզիկներ իրականում բուսակերներ են: Այս փաստը հերքում է այն տարածված առասպելը, թե միսը սպիտակուցների միակ կենսունակ աղբյուրն է:

Զարգացրեք Մկաններ
Բոլորը լսել են այն պնդումը, թե շատ մսամթերքներ ուտելը  մկանները  զարգացնելու միակմիջոցն է: Մյուս կողմից, ինչպե՞ս կարող է կյանք պահանջող բանն առողջարար լինել:

Մի տարածված թյուր կարծիք կա, թե անհնար է պահպանել  բուսակերային սննդակարգ  և զարգացնել մկանները: Իհարկե սպիտակուցներն են մեր մկանների աղյուսն ու հավանգը, և բարեբախտաբար մսից բացի կան շատ ու շատ  սպիտակուցների աղբյուրներ:

Լավն այն է, որ հարյուր տոկոսանոց բուսակեր դառնալու կարիք չկա, որովհետև կարող եք սպիտակուցների բավարար քանակ ստանալ՝ ուտելով ձու, պանիր և կաթնամթերք, որոնց արտադրությունը չի պահանջում կենդանիների մահը: Ինչևէ, եթե դուք այդքան քնքուշ սիրտ ունեք, որ չեք կարող հաշտվել այդ խեղճ փոքրիկ էակներին գերության մեջ պահելու մտքի հետ, ձեզ համար կան այլ տարբերակներ, ինչպես օրինակ սոյայի և շիճուկի սպիտակուցային շեյքերը: Կան նաև բանջարեղենային բնական և հասանելի սպիտակուցների աղբյուրներ, ինչպիսիք են նուշը և ընկույզը, որոնք կարող եք օգտագործել հենց այդպես կամ կրեմ պատրաստել դրանցից:



ՖԻԹՆԵՍԸ՝ մարմնի մարզումն է՝ մարդու առողջության և դիմացկունության ամրապնդմանը, ֆիզիկական ներդաշնակ զարգացմանը, ուժի, ճարպկության և շարժունակության կատարելագործմանը նպաստող հատուկ վարժությունների և մեթոդական վարժաձևերի համակարգը։

Մարզումների ճիշտ կարգը
Ֆիզիկական վարժություններ կատարելիս օրգանիզմում տեղի են ունենում ֆիզիոլոգիական փոփոխություններ, որոնք թույլ են  տալիս, կատարելագործել կարգավորող մեխանիզմները:

Մարզումների շնորհիվ մեծանում է շրջակա միջավայրի օդերևութաբանական անբարենպաստ գործոնների հանդեպ օրգանիզմի դիմադրողականությունը, տարբեր բեռնվածություններին հարմարվելու ունակությունը, բարելավվում են ֆիզիկական զարգացման ցուցանիշները:
 
Կարևորագույն նշանակությունուն են նյարդային համակարգում կատարվող փոփոխությունները: Ֆիզիկական ակտիվության շնորհիվ մեծանում է նյարդային գործընթացների ուժը, շարժունակությունն ու հավասարակշռությունը, զգալիորեն արագանում է հակազդեցությունը:
 
Մարզումների ընթացքում գրգռիչների մեծ բազմազանության շնորհիվ կատարելագործվում է վերլուծիչների գործունեությունը, արյան մեջ ավելանում են էրիթրոցիտների քանակը և հեմոգլոբինի պարունակությունը, որը նպաստում  է արյան մեջ թթվածնի ծավալի մեծացմանը:
 
Մկաններում, գլխուղեղում, սրտամկանում ավելանում են էներգիական նյութերի պաշարները: Փոփոխվում է նաև հենաշարժողական ապարատը, մեծանում է ոսկրերի և ջլերի ամրությունը, ավելանում է մկանների զանգվածը, ինչպես նաև մկանային ուժը:
 
Կանոնավոր մարզումների օգնությամբ զարգանում են շնչառական մկանները, մեծանում է կրծքավանդակի շարժունությունը, ինչպես նաև թոքերի կենսական ծավալը: Շնչառությունը դառնում է ավելի դանդաղ և խորը, արտաշնչումը՝երկարատև:
 
Սիրտն աշխատում է ավելի կանոնավոր, կծկումների հաճախությունը մասամբ նվազում է, իսկ ուժը՝մեծանում, ինչն էլ վկայում Է սրտի խնայող աշխատանքի մասին: Ֆիթնեսայինմարզմանհիմնականսկզբունքըֆիզիկականվարժություններիաստիճանական, բազմակի, կանոնավորկրկնություննէառանցերկարատևընդմիջումների:
 
Այսպես՝ֆիթնեսայի ն մարզումների 1-ին փուլում պարապում են շաբաթական 2-3 անգամ, իսկ հետագայում առավել հաճախ: Շաբաթական 2 անգամից պակաս մարզվելու դեպքում դրանց արդյունավետությունը կտրուկ նվազում է:
 
Մարզական  պարապմունք ն ավելի նպատակահարմար է անցկացնել ժամը 10-ից 13-իև 18-ից 21-ի ընթացքում, նախաճաշից հետո 2-ից 2,5 և ճաշից հետո 3-ից 3,5 ժամից ոչ շուտ: Ուտել խորհուրդ է տրվում մարզումներից  30-40 րոպե հետո:
 
Խնայողական մարզումներն անիմաստ են, քանի որ ուժն ու տոկունությունն աճում են միայն հոգնեցնող մկանային բեռնվածությունների դեպքում: Պարապմունքների սկզբում ֆիզիկական բեռնվածությունից ավելի հաճախ է հոգնածություն առաջանում, քան հաջորդող մարզումների ժամանակ: Կանոնավոր և ճիշտ կազմակերպված մարզումներից գերհոգնածություն չպետք է առաջանա:

Գերհոգնածությունը, ի տարբերություն ֆիզիոլոգիական հոգնածության՝ աշխատունակության ավելի տևական անկումն Է: Գերհոգնածության մասին են վկայում  թորշոմածությունը, վատ ախորժակը, շարժումների ներդաշնակության թուլացումը: Նվազում են ուժը, արագությունը, դիմացկունությունը: Այս երևույթները վերացնելու համար բավական է թեկուզ ժամանակավորապես փոխել մարզումների ռեժիմը՝ փոքրացնել բեռնվածությունը, երկարացնել դրանց միջև ընկած ժամանակամիջոցը, սահմանել հանգստի լրացուցիչ օրեր:
 
Վիտամինացված սնունդը, խորը քունը և առօրյա ռեժիմի (ուսում, աշխատանք, հանգիստ) կարգավորումը կօգնեն արագ վերականգնելու ուժերը: 
Օգտակար են զբոսանքները, ոչ մեծ տարածությամբ վազքը, լողը: Մարզումների բեռնվածությունը պետք է մեծացնել աստիճանաբար: Այս խորհուրդներն անտեսելիս ուժերի վերականգնման համար կպահանջվի ավելի երկար ժամանակ (1-2 ամիս):
 
Մարզումների ճիշտ կանոնակարգի դեպքում հաճախորդները ձեռք են բերում ճիշտ մարզավիճակ, գրանցում է բարձր արդյունքներ: Մարզվելիս անհրաժեշտ է կանոնավոր բժշկական հսկողություն, որի արժեքավոր լրացումը առողջական վիճակի ինքնադիտարկումն է:

ՖԻԹՆԵՍԸ լավագույն դեղամիջոցն է աթրեսի և վատ տրամադրության դեմ: Ֆիթնեսն ընդունված է համարել ձգտում դեպի կյանքի օպտիմալ որակ՝ միավորելով հոգևոր, ֆիզիկական և այլ բաղադրիչներ:
Ֆիթնեսի հիմնական  բաղկացուցիչներն են՝
•    Մկանային խումբ զարգացնելու համար
•    Մկանային դիմադրողականություն, որը մկանների ունակությունն է դիմադրել հոգնածությանը երկար ծանրաբեռնվածության ժամանակ
•    Օգնել սննդարար նյութեր մատակարարելու աշխատող մկաններին և հյուսվածքներին, ինչպես նաև  ոչնչացնելու նյութափոխանակության այն խնդիրները, որոնք ուժասպառության են հասցնում
•    Ճկնություն, որը առավելագույն լայնութով շարժումներ կատարելու ունակությունն է՝ հենաշարժողական ապարատի վնասվածքների բացակայության դեպքում
•    Մարմնի կառուցվածք, որը ճարպի և մարմնի համահարաբերակցությունն է:

Մեր նպատակն է ֆիթնեսը վերածել կենսակերպի՝ այսինքն  այնպիսի անհրաժեշտության , ինչպիսին քունն է, կամ սնվելը, ինչպես ասում են <<առողջ մարմնում առողջ հոգի>>:








2010-2018 © Մեջբերումներ անելիս և նյութերը արտատպելիս հղումը vipcatalog.am կայքին պարտադիր է:

Միացեք մեր Ֆեյսբուքյան էջին սեղմելով նկարի վրա և տեղեկացեք տրամադրվող բոնուսների և ակցիաների մասին: